I campionac de schialpinism pëia ia

A Vermiglio él sté ai 10 de jená la pröma gara di Campionac Talians de schialpinism. Tröc é i atlec de Badiasport che á tut pert.

En domënia ai 10 de jená él sté a Vermiglio (TN) la pröma gara di Campionac Talians Juniores de schialpinism. Bëgn 8 é i atlec de Badiasport che á tut pert. Dlungia la medaia é rové Tobias Tasser, atlet jonn de 16 agn. Püch dan le travert êl terzo, mo spo ál albü n problem cun le cialzá y é resté zoruch, se plazan al 27ejim post. Sesto post por Elisa Aricó (U14), 7. Annalisa Pitscheider y 9. Hanna Irsara (U16), 16. Mara Sottara (U18), 18. Manuel Nagler 19. y Maximilian Nagler (U16), 18. Giordan Nagler (U20).

Tla categoria dles scuadres é Badiasport rové al 10. post. Le pinsier di atlec y di alenadus ê düc pro so compagn Paolo Pitscheider, mort le de denant sot na lovina. Paolo, gran sportif, ê sté un di fondadus de Badiasport.

Campionac Talians assoluc a Santa Caterina Valfurva

Ai 17 de jené él sté a Santa Caterina Valfurva i Campionac Talians assoluc de schialpinism. Lois Craffonara de Badiasport s'á plazé al 27ejim post cun n tëmp de 1:53’04. Sciöche dötes les manifestaziuns sportives, s'á ince chësta desfiré zënza publich, cun i atlec y i organisadus che mëss se tigní al protocol anticovid.

@ redaziun La Usc di Ladins

Nodé y atletica por mitans y mituns 2020/2021

Oste imparé da nodé…bun? Te sal massa püch da ste ma sura ega ia?

prinzipianc

1.-4. classa elementara

Badiasport organisëia indô n curs da nodè por prinzipianć por les mitans i mituns dala 1. ala 4. classa elementara. Le curs vëgn tignì vigni mercui domisdè (15:00 – 17:00, dui gruppi) tla nodadoia da La Ila por la perioda otober ćina mà. I plö gragn (3° y 4° elementara) po ince to pert al atletica dla jöbia. L iscriziun mëss gni fata cun le formular (atres iscriziuns por e-mail o telefon ne gnarà nia tutes in conscideraziun). Ince les mitans y I mituns che à tut pert bel l ann pasè mas compilé le formular.

iscriziun

Ost imparé düc i 4 stili e magari ince la virata?

alenamënć

4. classa elementara ćina ala 3. mesana

Nodè y atletica por mitans y mituns
Badiasport mët indô a jì cun otober alenamënć da nodè y atletica por mitans y mituns dala 4. classa elementara ćina ala 3. mesana. Al vëgn insigné i stili lëde, spiné, arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober ćina mà. L iscriziun mas gni fata cun le formular (atres iscriziuns pur e-mail o telefon ne gnarà nia tutes in conscideraziun). Ince les mitans y I mituns che à tut pert bel l ann pasè mëss compilé le formular.

iscriziun

Node por adulc 2020/2021

Por les olimpiadi ne pordüjen nia, mo sun sön la bona strada

Cun otober mët indô man “Nodè adüm” – nodè por adulc". Al vëgn insigné i 4 stili lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc por la perioda otober ćina mà. Al ne se trata nia de en curs por prinzipianć, purchël vëgnel damanè les capazitês de base dl nodè. L iscriziun mëss gni fata cun le formular

(atres iscriziuns por e-mail o telefon ne gnarà nia tutes in conscideraziun).

Ince chi che à tut pert bel l ann pasè mas compilé le formular. Chi che à bel partezipé l ann pasè al curs à, sciöch vigni ann, la prezedanza.

· 19:30-20:30 prüm grup

· 20:30-21:30 secundo grup

iscriziun adulc

N findledema rich de gares por Badiasport

L'ultim findledema é sté rich de gares por i atlec de Badiasport, che á da en chësc ann ince n grup de jogn che mët man da se dé jö cun le schialpinism.

En vëndres, ai 14 de forá, él sté a San Ciascian, sön la pista de Piz Sorega, le diejim trofé Oskar Costa, gara de schialpinism che fej pert dla Raida Ladina. Insciö s'á ince stlüt jö la terza gara dla competiziun che se desfira tles cater valades ladines incër le grup dl Sela y che se stlujará jö cun l'ultima gara a Sëlva, te Gherdëna, ai 11 de merz. De bugn resultac é gnüs arjunc dai atlec de Badiasport, cun le terzo post assolut tla classifica dla Raida Ladina de Mike Trebo. Trebo é rové secundo tla gara da San Ciascian cun n tëmp de 28.18, se plazan iadô l'atlet Mauro Rasom dl grup sportif Bela Ladinia. Dër de bugn resultac á ince arjunt les ëres de Badiasport, cun le terzo post de Haidi Dapunt y le cuarto y cuinto plazamënt de Anna Frilli y Susi Lezuo. Por ci che reverda la categoria di jogn s'á Giordan Nagler y Tobias Tasser plazé al secundo y al terzo post y á insciö davagné punc importanc, aspetan da desfiré la cuarta y ultima gara dla Raida Ladina ia en Gherdëna.

Transcavallo
N grup de atlec de Badiasport á tut pert l'ultim fin dl'edema ala gara „Transcavallo“ a Alpago. Nicolas Ploner y Giordan Nagler á partezipé ala „Coppa Italia Giovani“, se plazan al 20ejim y 21ejim post tla categoria Junior Under23. Ala gara de trëi dis á ince tut pert Lois Craffonara, che á garejé adöm cun l'atlet fascian Simone Manfroi dl grup sportif Bogn da Nia. I dui atlec ladins á arjunt n bun otavo plazamënt.

„Junior Power Team“
„Junior Power Team“ á inom le nü grup che é gnü metü sö da Badiasport por i jogn y les jones danter 13 y 15 agn che mët man da fá schialpinism. Al momënt é le grup metü adöm da 6 mitans y 5 mituns che se alenëia dui iadi al'edema, n iade te palestra y n iade sön i schi. De jená á le grup tut pert a Gossensass a n „camp“ organisé dala FISI por atlec jogn scomëncia da se dé jö cun chësc sport.

Nude pur adulc 2019/2020

Cun otober mëta indô man “Nudè adüm” – nudè pur adulc". Al vëgn insigné i 4 stili lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc por la perioda otober ćina mà. Al ne se trata nia de en curs pur prinzipianć, purchël vëgnel damanè les capazitês de base dl nudè. L iscriziun mas gni fata con l formular

(atres iscriziuns pur e-mail o telefon ne gnarà nia tutes in cunt).

Ince chi che à tut pert bel l ann pasè mas compilé l formular. Chi che à bel partezipé l ann pasè al curs à, scioch vigni ann, la prezedanza.

19:30-20:30 prüm grup
20:30-21:30 secundo grup

Iscriziun adulc

Nudé y atletica pur mituns 2019/2020

Badiasport organisëia indô n curs da nudè pur prinzipianć pur i mituns dala 1. ala 4. tlassa elementara y alenamënć da nodè y atletica por mituns dala 3. tlassa elementara ćina ala 3. mesana.

prinzipianć

1.-4. tlassa elementara

Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni jöbia domisdè (gruppo gragn 16.00-17.00, gruppo pici 17.00-18.00) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp. L iscriziun mas gni fata con l formular (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

Formular iscriziun

alenamënć

3. tlassa elementara ćina ala 3. mesana

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde, spiné, arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober ćina mà. L iscriziun mas gni fata con l formular (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

Atletica isté 2019

Atletica de isté 2019

Organisun atletica da disté cun Alex Verginer pur dütes/düc mitans e mituns cun ann de nascita 2008 y plö vedles/vedli, cun alenamanc da 1 a 2 iadi al edma.

Düch chi che é interesciá y ince pur düc chi che fesc bel atletica cun Alex é periá da scrí for a l formular che ciafaise sot a casc link
https://docs.google.com/forms/d/1AFAH5lgxIszryQKR1kcCTZP38pzBnY-zJ82fk1EVNq4/edit

I alenamanc gnará fac in pert a La Ila y in pert a San Martin. Chi che se scrí ite gnará contatá via Whatsapp vigni iade che al é da se prejenté. L cost é de 80 Euro da paié ite sön l cunt de Badisport IBAN IT39V0801058180000302014556.

Gara nudé VSS Urtijëi 25.11.2018

N gran complimënt ai mitans/mituns che á turt pert incö ala gara VSS ia Urtijëi. Chilò valgünes foto

Alenamanc palestra

Cun in cö mercui 03 de otober mata man la palestra pur adulc, y jogn skitouren, sciöch ince bel i atri agn va l alenamant dales 18:00 ales 20:00.

Cun lünesc ai 08 de otober mata man I alenamanc te palestra pur l grup Skitouren-Race cun Simon, dales 19:00 ales 21:00

Düc I alenamanc vagn fac la palestra grana a La Ila

Alenamënc de schialpinism pur jones y jogn

A fin de stëmber mat indo man I alenamënc pur jones y jogn (dala 3. Media in sö) de schialpinis de Badiasport. De altonn vagne fato alenamanc de preparaziun y cun les prümes nëis paien ia cun I schi. Chi che é interesciá dos mené na mail a posta@badiasport,org cun inoc, cugnom, ann de nascita y nr. de telefon.

Nudé y atletica pur mituns 2018/2019

Iscriziun mituns 2018/2019

prinzipianć

1.-4. tlassa elementara

alenamënć

3. tlassa elementara ćina ala 3. mesana

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia tla palestra dla scora mesana da La Ila por la perioda otober ćina mà. L iscriziun mas gni fata con l formular (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

Nudé pur adulc 2018/2019

Ince chi che à tut pert bel l ann pasè mas compilé l formular. Chi che à bel partezipé l ann pasè al curs à, scioch vigni ann, la prezedanza.

· 19:30-20:30 prüm grup

· 20:30-21:30 secundo grup

Iscriziun

Palsa da d’isté miritada por i nodadus de Badiasport

La saison dl nodé cun Badiasport s’á stlüt jö da püch. Do prësc 30 unités d’alenamënt s’á i mituns dla scora elementara y mesana y i gragn, mirité na palsa da d’isté. Ai 24 de ma él ciamó gnü tigní na gara de conclujiun dla sajun da nodé. Tla nodadoia a La Ila á i mituns de düc i 5 grups podü ti mostré ai geniturs ci ch’ai á imparé. I mituns di 2 grups di pici cun l’alenadú Luca y i mituns di 3 grups di gragn cun l’alenadëssa Verena á en chësta ocajiun ince mioré sü mius tëmps. La plü asvelta dl de é stada Mara Sottara, scolara dla 3. classa de scora mesana. Ëra é stada buna da nodé na lunghëza tl stil crawl te 11,07 secunc! I alenadus Luca y Verena y le presidënt de Badiasport rengraziëia düc i mituns y geniturs por avëi fat para y spera da i odëi indô d’otober.

Aste vöia da porvé le schialpinism?

Este n jonn o na jona cun plü de 12 agn y cun l’interes da porvé chësc sport? I jogn dla scuadra de Badiasport te mostra la tecnica cun atrezadöra da gara sön n pice percurs. I s’incuntun en lönesc ai 2 d’aurí dales 15 pro la staziun a val dl implant portamunt de Gardenacia. Mënesse na mail i dis denant spo t’arjignunse ca cialzá cun to numer - posta@badiasport.org.

Feuerstein Skiraid 18.03.2018

N gran grup de Badiasport á tut pert en domënia ai 18 de merz ala secunda ediziun dla Feuerstein Skiraid tl Pflerschtal. Do la tröpa nëi frësca tomada la sëra denant á le percurs messé gní batü danü. Dales 8.30 ê spo döt arjigné por i atlec rová adalerch ala gara che valô ince sciöche campionat provinzial.

Nicolas Ploner é sté le plü asvelt di juniores te 1:33.03, dan da Simon Gasteiger (1:41.14).

Mike Trebo é rové sciöche secundo pro i under 23 te 1:30.47 do da Thomas Ainhauser (1:25.32).

Andreas Irsara é rové sciöche terzo al travert tla categoria di master, cun le tëmp de 1:24.14, do da Ivan Antiga (1:18.29) y Steiner Anton (1:21.17).

Lois Craffonara s’á concuisté le setimo post tla categoria seniores cun le tëmp de 1:15.39. I plü asvelc é stá Manfred Reichegger (1:08.21), William Boffelli (1:08.22) y Alex Oberbacher (1:10.03).

Badiasport ala 23. Sellaronda 2018

Le vëndres ai 16 de merz da sëra s’ál presenté n numer imprescionant de atlec al start dla 23. ediziun dla Sellaronda. A Canazei, start é travert dla gara, él pié ia 650 scuadres da dui, lapró ince 9 atlec de Badiasport.

Mike Trebo y Jan Paul Adang á garejé tla categoria di ëi cun indöt 448 scuadres y s’á concuisté le 52. post te 3:49:11. Tla medema categoria á Roland Pitscheider arjunt le travert te 4:58:38 cun Kantioler Elias.

Verena Ebner y Jenn Shelton á stlüt jö la gara pro les ëres cun le 8. miú tëmp, te 4:20:20. Heidi Dapunt é rovada al 15. post te 4:54:59 cun Manuela Perathoner y Susi Lezuo é rovada al travert te 5:50:45 cun Iris Steinmayr.
Veronika Pedevilla y Lois Craffonara á garejé tla categoria moscedada, rovan al 33. post te 4:59:57.
I plü asvelc dla 23. ediziun é stá i svizeri Anthamatten/Marti cun le tëmp record de 03:04:31. La scuadra taliana cun Reichegger/Magnini é rovada secunda te 03:05:55 y Bonnet/Boffelli é stá terzi te 03:07:30.

28. Lagorai Cima d’Asta 04.03.2018

Ai 4 de merz él sté tl Trentin, tla valada dl Tesino, la gara de Coppa Italia a chëra che ince Michael Moling y Lois Craffonara á tut pert. Le percurs de gara de 23,5 km i á condüt dal start a 1100 m cina sön la piza Cima d’Asta a 2847 m.

I trëi plü asvelc da rové al travert é stá Magnini Davide (1:55.25), Reichegger Manfred (2:00.01) y Bacca Valentino (2:03.49). Michael Moling é rové al travert sciöche 6. te 2:09.06 y Lois Craffonara sciöche 12. te 2:15.51.

Or y arjënt por Ebner y Shelton ala Pitturina Vertical Race 03.03.2018

I dui dis de gara dla 9. ediziun dla Pitturina Ski Race tla Val dl Comelich á cherdé adalerch tröc atlec ales döes proes.

La sabeda ai 3 de merz dales 18 él sté la pröma gara, la Pitturina Vertical Race. Al percurs de gara de 3 km cun le start a Padola, s’ál presenté ince les döes atletes de Badiasport Verena Ebner y Jenn Shelton. Le travert áres arjunt sciöche prömes, Verena Ebner do 0:35:49 y Jenn Shelton do 0:36:50 menüc de gara.

Ala Pitturina Ski Race, la gran gara a scuadres dla domënia 4 de merz, á Mike Trebo y Alex Dagai tut pert. Al start s’ál presenté indöt 41 scuadres maschiles. Mike Trebo y Alex Dagai é rová al travert do 20 km de gara sciöche 16., tl tëmp de 3:22.06. Les scuadres plü asveltes é stades Boffelli-Lanfranchi (2:43.02), De Simone-Stofner (2:54.12) y Zulian-Goetsch (2:55.16).

Brom por Lois Craffonara al campionat talian de schialpinism cun Alex Oberbacher 18.02.2018

Le terzo de de gara dla 35. ediziun dla Transcavallo a Alpago valô en chësc ann sciöche proa unica dl campionat talian de schialpinism. Bëgn 5 atlec de Badiasport á tut pert a chësta proa a scuadres. Lois Craffonara cun Alex Oberbacher, Jan Paul Adang cun Alex Dagai y Daniele Irsara cun Jenn Shelton.

Lois Craffonara cun so compagn de scuadra á stlüt jö le percurs de gara de 19 km cun le terzo miú tëmp di atlec talians. Ai á arjunt le travert te 2:04:35, do les döes scuadres di profescionisc de chësc sport Eydallin – Magnini (1:55:34) y Reichegger – Boffelli (1:58:57).

Jan Paul Adang y Alex Dagai s’á concuisté le 13. post te 2:23:06 y Daniele Irsara cun Jenn Shelton é rová al 93. post.

Arjënt por Nicolas Ploner y Heidi Dapunt al Gitschberg Nightattack 19.01.2018

En vëndres ai 19 de jená él sté la 11. ediziun dla gara de nöt organisada dal’ASV Gitschberg deboriada cun la Gitschhütte. I dui atlec de Badiasport che á garejé cun i atri 80 partezipanc ala gara sön pista cun le start a Meransen é stá Ploner Nicolas pro la categoria di nasciüs do le 1998 y Dapunt Heidi pro les ëres. Trami á stlüt jö la gara de 6 km cun 810 m de deslivel cun le secundo miú tëmp de süa categoria. Nicolas é rové al travert tl tëmp de 49:39.33, do da Mantinger Peter (44:45.17) y dan da Gasteiger Simon (51:29.49). Heidi é rovada al travert tl tëmp de 49:58.86, do da Senn Vivien (49:44.62) y dan da Renzler Astrid (50:33.46). La gara é stada la terza dla seria dl Eisacktal Cup. Resultac