Or y arjënt por Ebner y Shelton ala Pitturina Vertical Race 03.03.2018

I dui dis de gara dla 9. ediziun dla Pitturina Ski Race tla Val dl Comelich á cherdé adalerch tröc atlec ales döes proes.

La sabeda ai 3 de merz dales 18 él sté la pröma gara, la Pitturina Vertical Race. Al percurs de gara de 3 km cun le start a Padola, s’ál presenté ince les döes atletes de Badiasport Verena Ebner y Jenn Shelton. Le travert áres arjunt sciöche prömes, Verena Ebner do 0:35:49 y Jenn Shelton do 0:36:50 menüc de gara.

Ala Pitturina Ski Race, la gran gara a scuadres dla domënia 4 de merz, á Mike Trebo y Alex Dagai tut pert. Al start s’ál presenté indöt 41 scuadres maschiles. Mike Trebo y Alex Dagai é rová al travert do 20 km de gara sciöche 16., tl tëmp de 3:22.06. Les scuadres plü asveltes é stades Boffelli-Lanfranchi (2:43.02), De Simone-Stofner (2:54.12) y Zulian-Goetsch (2:55.16).

Alex Dagai