8. Tour de Sas 28.01.2017

N Tour de Sas n pü’ atramënter án podü se gode chësc ann. Por la mancianza de nëi s’á le comité d’organisaziun lascé tomé ite n’alternativa dër plajora y spetacolara, mo impó impegnativa por i atlec: na gara de nöt, do pista, cun n start y n travert ilominá.

Andreas Irsara

Tröc é stá i partezipanc, ince sce n valgügn di „big“ ê tla Francia ales gares de Copa dl monn y ince sce la gara é gnüda confermada tl ultimo momënt. 
I atlec s’á mosoré sön trëi percursc sön mosöra por i gragn, les ëres y junior y i plü jogn, danter Piz La Ila y Piz Sorega. Le start y le travert ê jödapé dla Gran Risa.
Plü de 100 atlec s’á presenté al start en sabeda sëra dales 17.30. I pröms da pié ia é stá i jogn y les ëres, y dedô i gragn. Bëgn 11 mëmbri de Badiasport á tut pert ala gara; danter chisc sambëgn ince le favorit dl post Lois Craffonara che á fat na buniscima gara. 

Andreas Irsara y Mike Trebo

Tla categoria di gragn, cun n percurs de 15,8 km y 1450 m de deslivel s’ál concuisté le 5. post cun le tëmp de 1:25:59.  Dan da d’ël é rová Stofner Martin 1:21:11, Trettel Thomas 1:24:56, Cappelletti Daniele 1:25:17 y Oberbacher Alex 1:25:28. Tosc é spo ince rové Michael Moling al travert, plü avisa sciöche 8. cun le tëmp de 1:28:25, do da Bacca Valentino 1:27:29 y De Simone Roberto 1:27:46. Beccari Filippo é rové 9. te 1:28:48 y
Niederwieser Christoph 10. te 1:28:56. I atri badioc é spo stá Dagai Alex, 15. te 1:34:25, Trebo Mike 20. te 1:38:09, Frena David 24. te 1:38:28 y Irsara Andreas 25. te 1:38:31.

Pro les ëres é Moretti Marianna de Badiasport rovada söl 3. scalin dl podest tl tëmp de 1:58:46, do da Sartogo Monica 1:44:52 y Renzler Astrid 1:50:48, sön n percurs de 13,5 km y 1200 m de deslivel. 

Danter i jogn de Badiasport é Ploner Nicolas sté le plü asvelt, se concuistan le 6. post te 1:04:27; Irsara Luigi é rové atira do sciöche 7. te 1:06:48, Canins Ivan 11. te 1:14:18 y Oberbacher Hannes 12. te 1:28:46. Le percurs ê de 9 km y 780 de deslivel. I pröms é stá Tanara Mattia 54:41, Morandini Alessandro 56:17 y Cainelli Simone 1:01:03.

Alex Dagai

Tröc é stá i colaboradus volontars dla gara cun a ce Daniele Irsara sciöche diretur de gara. Danter chisc él da recordé l’Aiüt Alpin, i Carabinieri, la Crusc Blancia y tröc d’atri volontars y assistënc. Dilan spo ala colaboraziun cun Grandi Funivie, le comprensore Alta Badia y tröc sponsor él gnü a s’al dé na gara che podess ester na buna alternativa por canche al mancia la nëi y le percurs sot le Sas dla Crusc n’é nia poscibl. Resultac

 

9. „Skialprace Ahrntal“ 15.01.2017

5 atlec de Badiasport á tut pert ala gara en domënia ai15 de jená: Craffonara Lois, Adang Jan Paul, Dagai Alex pro i gragn, y Frena David y Trebo Mike pro i jogn. La gara tl Ahrntal, che ti ultims agn gnô metüda a jí a Weißenbach, é chësc ann gnüda spostada tl comprensore de Speikboden. Ara valô sciöche tapa dla Copa Italia. Le percurs prësc döt arjigné ca fora de pista, ê da fá trëi iadi por i ëi y dui iadi por les ëres. I ëi â indöt 10,4 km de gara da fá cun 1.060 m de deslivel.  Tla categoria di gragn, cun indöt 52 partezipanc, é Lois Craffonara sté le 6. plü asvelt cun le tëmp de 1:53.04; Adang Jan Paul é rové al travert tosc do sciöche 8. te 1:56.30; Dagai Alex á arjunt le 13. post te 2:00:00. 

I 5 partezipanc de Badiasport (d.m.c. Frena David, Adang Jan Paul, Trebo Mike, Craffonara Lois y Dagai Alex) dan la gara dl 9. „Skialprace Ahrntal“.

I plü asvelc é stá i dui atlec dla nazionala taliana dl „Esercito“ Antonioli Roberto cun le tëmp de 1:37.21 y Reichegger Manfred te 1:41:56. Terzo é rové l’austriach Weisskopf Martin.

Tla categoria di jogn cun 3 partezipanc indöt, y cun le medemo percurs di gragn, é Frena David rové pröm te 2:10.22, Mike Trebo secundo te 2:10:56 y Ainhauser Thomas terzo cun 2:16.00.

I pröms 10 dla „Skialprace Ahrnta“ dala premiaziun (Craffonara Lois, secundo d.m.d. y Adang Jan Paul tero d.m.c.).

Frena David, pröm classifiché, y Trebo Mike, secundo classifiché pro i jogn dala 9. „Skialprace Ahrntal“. 

Ploner Nicolas al campionat talian di jogn tla Val Tartano 15.01.2017

Ala 45ejima ediziun dla „Val Tartano Ski Alp“ tla Valtellina en domënia ai 15 de jená, á le jonn de Badiasport da La Ila Nicolas Ploner tut pert. Chësta gara valô sciöche proa unica dl campionat talian di jogn. Cun 12 gra de frëit, s’á 160 atlec jogn presenté al start por garejé por le titul de campiun talian de schialpinism. I jogn dla categoria „cadetti“, olache Ploner Nicolas á garejé, é piá ia de 41 sön le percurs de 9,2 km cun 820 m de deslivel. Do 5 toc söpert y 4 jöpert á Nicolas arjunt tl tëmp de 1:30.12 le 22ejimo post. Dancá sciöche pröms é rová Gadola Alessandro te 1:08.47, Rossi Alessandro te 1:10.07 y Sanelli Mirko te 1:11.14.

Moling Michael y Craffonara Lois ala „Mountain attack“ tl’Austria 13.01.2017

Le vëndres sëra ai 13 de jená él sté a Saalbach la 19ejima „Mountain attack“. Ala gara tl Pinzgau él rové adalerch indöt 1.100 atlec dal’Austria, Germania, Slovenia, Svizera y sambëgn ince dal’Italia, daterater cun i dui atlec de Badiasport. I partezipanc s’á mosoré sön 3 percursc desvalis. Lois y Michael á fat para pro le percurs „Marathon“ cun 3.000 m de deslivel che i condejô sura bëgn 6 pizes. I atri dui percursc ê le „Schattberg race“ cun 1.017 m de deslivel y le „Tour“ cun 2.036 m de deslivel sura 4 pizes.

Le percurs che i dui badioc á chirí fora, cun lapró condiziuns climatiches da nëi frësca y 6 gra de frëit s’á damané na buna preparaziun atletica. „Jij“ y Michael é piá ia cun indöt 209 concorënc te süa categoria y á arjunt le travert danter i pröms 19. Michael é rové sciöche 14ejimo al travert te 2:46:00; Lois sciöche 19ejimo te 2:50:13.

I pröms trëi é stá Palzer Anton dala Germania te 2:21:34, Hoffmann Christian dal’Austria te 2:26:59 y Pivk Tadei dal’Italia te 2:27:07.  

Raida Ladina: Trofé Mario Iori – 3 arjënc por Badiasport 11.01.2017

La pröma tapa dla Raida Ladina le mercui sëra ai 11 de jená é stada a Cianacëi cun indöt 120 atlec al start. Cun le trofé Mario Iori él gnü daurí la Raida che passará te 4 valades ladines. Badiasport á tut pert cun 4 atlec te 3 categories y á arjunt trëi podesc. Heidi Dapunt á concuisté un di trëi arjënc por Badiasport tl tëmp de 0:35:49, do da Linda Menardi (0:35:10) y dan da Anna Moraschetti (0:36:45). Danter les atletes de chësta categoria cun indöt 12 partezipantes á ince tut pert Susi Lezuo, che á arjunt le 9. post te 0:43:52.

Ploner Nicolas pro i jogn á ince concuisté le secundo scalin dl podest te 0:34:58, do da Pescol Marco (0:31:00) y dan da Marchetti Leonardo (0:51:24), tla categoria jogn cun indöt 3 partezipanc. Pro i gragn á Dagai Alex davagné le terzo arjënt de Badiasport cun n buniscimo tëmp de te 0:28:37, do da Rasom Mauro (0:26:53) y dan da Rasom Ivo (0:28:52). Mike Trebo, l’ater atlet de Badiaspor te chësta categoria cun 17 partezipanc, á arjunt le 4. post te 0:29:40. 

Le proscimo apuntamënt dla Raida Ladina sará ai 8 de forá te Sëlva.

Heidi Dapunt (secunda d.m.c.) é rovada secunda pro les ëres. 

MOLING, CRAFFONARA Y ADANG AL SKIUPHILL VALS

De bugn resultac por i atlec de Badiasport

Ai 30 de dezëmber él sté la 17ejima ediziun dla gara Skiuphill a Vals. Da chësc ann fej ince chësta gara pert dla Eisacktal Cup. Ara é stada la pröma dles 5 gares dla copa Eisack. Ai 8 de jená jarára inant cun le Skialp Night Trophy a Ladurns, ai 22 de jená sarál la Gitschberg Night Attack a Meransen, ai 29 de jená la Plose Skiuphill y por stlüje jö la Lorenzensturm a Latzfons ai 6 de forá.

Michael Moling, Lois Craffonara y Jan Paul Adang deboriada cun i atri 191 atlec s’á mosoré a Vals sön n percurs de gara de 3,2 km cun 632 m de deslivel. Moling á arjunt sciöche 11ejimo le travert cun le tëmp de 26:12.13; Craffonara é rové 12ejimo te 26:15.25 y Adang 30ejimo te 28:47.94.
I trëi plü asvelc é stá Götsch Philipp cun le tëmp de 23:26.83, Stofner Martin te 23:33.77
y Hoffmann Christian te 24:20.96. (Resultac)

Gara da nodé di mituns a Urtijëi

N record de partezipanc por la seziun nodé-mituns de Badiasport

En domënia ai 27 de novëmber á Badiasport tut pert cun bëgn 10 mituns ala gara da nodé a Urtijëi, n record de partezipanc por la seziun dl nodé-mituns de Badia. Nia ma le numer de atlec mo ince i resultac é stá na gran sodesfaziun por i alenadus y i mituns instësc. 
L'ocajiun da desmostré la buna condiziun di pici atlec é stada la pröma gara dla seria de gares dl VSS (Verband der Sportvereine Südtirols). 

Tles categories desvalies s'á les nodadësses y i nodadus posizioné dër bun:
25 m crawl-iames mitans dl 2009:
Sofie Irsara 1.  (00:31,80), Angelika Frenademez 3. (00:35,40), Elisabeth Granig 4. (00:35,70)
25 m crawl-iames mituns dl 2009:
Ryan Aichner 1. (00:32,00), Manuel Pedevilla 3. (00:33,20)
25m spiné mitans dl ann 2007: 
Hanna Irsara 1. (00:22,00), Annalisa Pitscheider 2. (00:24,60)
25m stil lëde mitans dl ann 2007: 
Denise Feichter 2. (00:23,50)
25m stil lëde mitans dl ann 2006: 
Hanna Irsara 1. (00:18,40), Annalisa Pitscheider 2. (00:19,30), Rita Granruaz 3. (00:20,70), Katrin Piccolruaz 4. (00:22,70)
4x25m stil lëde mitans y mituns dal 2006 al 2007: 
Rita Granruaz, Katrin Piccolruaz, Annalisa Pitscheider, Hanna Irsara al pröm post 1:22:80, cun diesc secunc de vantaje dan les secundes.

Mercatino Scitourn

Al vagn organisé da pert de Veronica Pedevilla y Craffonara Lois en pic marcé dl "usato" pur düt ci che raverda l material da scitourn. Düc chi che à material che ne vagn nia plö adurè à sagn l ocajiun dal vann.
Al é da purtè in jöbia ai 24 de novëmber dales 17:00 ales 19:00 a San Linert te l local dlungia l Despar Cavallino.
I diss 25-26 de novëmber y 2-3 de dezëmber  dales 17:00-19:00 el l "mercatino del usato" davert a düc.
Lascede al savai ince a ösc cumpagns!

Calënder Skimo FISI sajun 2016-2017

Chiló l calënder FISI sajun 2016-2017 (download)

Tour de Sas

Training Skimo sajun 2016-2017

Al mat indo man l training skimo sajun 2016-2017 olà che düc I racer é bagn udüs, chilò I trai gruppi tl detail (Download)
 

Pur les iscriziuns praibel mené na mail a posta@badiasport.org cun:

1.       Inom

2.       Cugnom

3.       Gruppo scelto

4.       Nr telefon

Prüm taining cun  Simon in lünesc ai 12 de stamber dales 19:00 ales 21:00
Prüm training cun Daniele in mercui ai 05 de otober dales 18:00 ales 20:0

Nudé pur adulc 2016/2017

Nudè pur adulc
Cun otober mëta indô man “Nudè adüm” – nudè pur adulc". Al vëgn insigné i 4 stlii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por la perioda otober ćina mà. Al ne se trata nia de en curs pur prinzipianć, purchël vëgnel damanè les capazitês de base dl nudè. L iscriziun mas gni fata con casc formular https://goo.gl/forms/oIgYa9cPBqFKliWH3 (atres iscriziuns pur e-mail o telefon ne gnarà nia tutes in cunt).

Ince chi che à tut pert bel l ann pasè mas compilé l formular. Chi che à bel partezipé l ann pasè al curs à, scioch vigni ann,  la prezedanza.

Iscriziuns nudé y atletica mituns 2016/2017

Nudè pur prinzipianć
Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni mercui domisdè (gruppo gragn 14.45-15.45, gruppo pici 15.45-16.45) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp. L iscriziun mas gni fata con casc formular https://goo.gl/forms/2Fn7IivnnSVY1khh1 (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia da La Ila, l’atletica lisiera vigni jöbia (o vëindres)  tla palestra dla scora mesana da La Ila por la perioda otober ćina mà.  L iscriziun mas gni fata con casc formular https://goo.gl/forms/2Fn7IivnnSVY1khh1  (atres iscriziuns pur e-mail o telefon ne gnarà nia tutes in cunt). Ince I mituns/les mitans che à tut pert bel l ann pasè mas compilé l formular.

I mituns/les mitans che à bel partezipé l ann pasè al curs à, scioch vigni ann,  la prezedanza.

ASC Ladinia Run y Kids Run

L 21 agost a Corvara con tröc partezipants de Badiasport. La gara é gnüda davagnada da Andreas Irsara y Marianne Moretti. Complimënt a düc!!!

Marco Scapin, Jan Paul Adang, Andreas Irsara, Lois Craffonara

Atletica isté 2016

Badiasport mat man cun casc isté curs/training de atletica pur mitans/mituns dles scoles mesanes y scoles altes cina i 16 agn, cun nosc campiun Alex Verginer. Ai 17 de jugn dales 17:00 tl ciamp dal sport a La Ila gnaral metü adüm i grups. Chi che é interesciá po se scrì pur mail a posta@badiasport.org (Inom, cugnom, ann de nascita, telefon) y se presenté in vaindres cun guant e cialzá da salté.

L curs/training jará inant cina setamber cun 1-2 iadi al edma, sce la richiesta é grana spo se purtaral ince inant ti maisc da d’altonn y inver.

L cost dl curs cina de stamber é de 30€ a persona, l curs/training gnará ma fat sce al sará en minimo de mitans/mituns che tol pert.

Pizolada delle Dolomiti

N domënia ai 3 de aurí á Lois Craffonara y Alex Dagai tut pert ala 40. „Pizolada delle Dolomiti“, gara co vëgn tignida do tradiziun sön le Ju de S. Pelegrin d'aisciöda fora. La gara mëtô man y se rovâ a Moena. La gara ê apresciapüch 14 km lungia y condüjô i partecipanc sön le Col de le Palue (mt. 2266), al Ciamp de Ors (mt. 2136), sön la Forcella di Bocche (mt. 2745), indô al Ciamp de Ors y sö al Col de le Palue (mt. 2266), sön le Lasté di Pradazzo (mt. 2580) por roé sön l'ultima piza Col Margherita (mt. 2550). 

De Badiasport ál tut pert Lois Craffonara y Alex Dagai. La gara é gnüda davagnada da Guido Giacomelli cun n bun tëmp de 2:02.26, dan da Filippo Beccari (2:03.44) al secundo y Filippo Barazzuol (2:04.23) al terzo post. Lois Craffonara á arjunt le bun otaf post cun n tëmp de 2:12.22. y Alex Dagai é roé 27. cun n tëmp de 2:29.53.

Tour du Rutor

Le fin dal edema dai 1. ai 3. de aurí él ste a Arvier tla Val d'Aosta la Tour du Rutor. Trëi dis alalungia s'á i mius altec moseré sön n percus a trëi tapes cun bëgn 7.000 mt. de deslivel. Do i trëi dis de gara á la scuadra taliana Boscacci-Eydallin le miú tëmp complessif (6:51.50) dan da i svizri Anthamatten-Bonnet al secundo post (6:55.30) y i franzeji Gachet-Bon Mardion (6:57.18).

Jan Paul Adang

La scuadra badiota de Badiasport cun Jan Paul Adang y Andreas Irsara á tigní vare cun d'atres 340 scuadres y á arjunt le 41. post cun n tëmp complessif de 8:45.15. So distach sön i pröms ê de 45 minuc y 11 secunc. Jenn Shelton cun Colin Haley 262. post.

Jenn Shelton

Andreas Irsara y Jan Paul Adang

Skiraid 3 Zinnen

La domënia ai 20 de merz él ste la “Drei Zinner Skiraid”, na gara lungia 13,8 chilometri y cun n deslivel de 1.500 metri, olache 5 atlec de Badiasport á tut pert:Craffonara Lois, Adang Jan Paul, Irsara Michael y Trebo Mike tla categoria “Senior” y Shelton Jenn tla categoria dai “Amaturs”. Le miú dai badioc é ste Craffonara Lois co á arjunt en bun secundo post cun n tëmp de1:45:06 do da Baccari Filippo (1:45:01) y dan da Pierantoni Davide (1:45:35). Adang Jan Paul ciafunse al 7. post cun n tëmp de 1:51:32, Irsara Michael é ruvé al 16. post te 2:04:03 y Trebo Mike 18. cun 2:08:43. La sora ëra dal grup Shelton Jenn é jüda al start tla categoria dai amaturs y á podü porté a ciasa le 9. Post cun n tëmp de 3:12:36.

Jan Paul Adang

Jan Paul Adang y Lois Craffonara

Sellaronda Skimarathon

La sajiun da d’invern vá bel plan a piz, mo i atlec de schi d’alpinism de Badiasport é tres ciamó atifs pro gares desvalies.En vëndres ai 18 de merz á deplü atlec de Badiasport tut pert ala 21. Ediziun dla Sellaronda Skimarathon lungia bëgn 42 chilometri y cun 2.700 metri de deslivel. Le start y le travert ê n chësta ota a Corvara por fá la roda dal Sela tl vers dl’ora.

Alex Dagai

La maiú pert á garajé tla categoria dles scuadres ma de ëi, olache bëgn 425 scuadres é roades al travert tal stadio dla dlacia de Corvara. I mius atlec dla sera é sta Holzknecht Lorenzo y Pivk Tadei, che á dominé döta la gara ruvan al travert te 3:14:36, dan da Hoffmann Christian y Götsch Philipp al secundo post y Baccari Filippo y Stofner Martin al terzo. Craffonara Lois adüm al compagn talian Omodei Andrea é roé al buniscimo 15. post te 3:39:32, cun n destach de apresciapüch 25 menüc dai pröms.  Adang Jan Paul y Irsara Andreas á concuisté cun n tëmp de 3:55:08 le 51. post. Frena David y Pettavino Erik é indô ruves a Corvara te 4:04:42, arjunjan insciö le 74. post. Trebo Mike y Dagai Alex pó se ralegré cun n 92. post te 4:08:54. Michael Irsara adüm al austriach Scheutz Jürgen s’á cualifiché cun n tëmp de 5:01:00 al 280. post.  Tavella Igor y Jenn Shelton á tut pert tla categoria moscedada y á arjunt le 21. post cun n tëmp de 5:15:42 sön 47 scuadres roades al travert. Ince tla classifica generala ciafunse Craffonara-Omodei y Adang-Irsara al medemo plazamënt sciöche tla classifica individuala dles scuadres dai ëi. I atri atlec ciafunse a chisc posć: Frena-Pettavino 75., Trebo-Dagai 94., Irsara-Scheutz 313. y Tavella-Shelton 369.

Lois Craffonara

Pierra Menta

Trei atlec de Badiasport ala 31. ediziun dla Pierra Menta 2016

Danter i 9 y i 12 de merz él sté la 31ejima ediziun dla Pierra Menta, gara de schialpinism tla Savoia. Ara se trata de öna dles 3 gares de schialpinism tles Alpes plü granes y conesciüdes. Al é na gara a dui, te 4 tapes, a chëra che i majeri atlec da döta Europa tol pert, n chësc ann apresciapüch 300 scuadres. De nüsc atlec á tut pert te chësta categoria Jan Paul Adang adöm a Lois Craffonara. Por i jogn él ma döes proes, a chëres che David Frena á tut pert con le compagn de scuadra Enrico Loss.
Frena/Loss á arjunt n buniscimo 5. post sön 38 scuadres tl tëmp de 3:25:33. I pröms te süa categoria é stá i frazesc Equy/Bellabouvier te 3:12:11, al secundo post Martinez De Albornoz/Deruaz te 3:18:29 y al terzo post Lietha/Ancay te 3:19:24.

Lois Craffonara y Jan Paul Adang

La scuadra badiota Adang/Craffonara s'á concuisté le 39. post sön bëgn 173 scuadres roades al travert tl tëmp de 12:53:19. La gara é gnüda dominada dala scuadra franzeja-spagnola Jaquemod/Jornet Burgada te 10:05:23, dan da i franzeji Bon Mardion/Gachet te 10:15:26 y i taliagn Boscacci/Antonioli te 10:17:30.

David Frena

Raida Ladina a Reba y Transcavallo

3a gara dla Raida Ladina a Reba

Heidi Dapunt n'é gnanca tla terza proa da bate y defënn le pröm post tla classifica generala dla Raida Ladina

En vëndres da sëra, ai 19 de forá él sté la 13ejima ediziun dla Lors de Reba, co valô ince sciöche terza gara dla Raida Ladina. Danter i empü plü co 200 partecipanc êl 26 atlec de Badiasport al start y chisc á porté a ciasa de bogn plazamënc. Pro la categoria feminila sot i 18 agn á Giorgia Felicetti batü le terzët de mitans de Badiasport Valentina Clara (47:14.9), Lisa Tasser (57:49.5) y Sofia Minnini (57:49.6) cun le tëmp de 36:03.3. Pro les ëres n'é Heidi Dapunt nia stada da bate y ëra á podü se porté a ciasa le pröm post te söa categoria te 35:40.8 dan a Linda Menardi (35:53.1) y la compagna de scuadra Verena Ebner (36:16.6) al terzo post. Claudia Canins é roada sesta y Susi Lezuo 15ejima.
Luigi Irsara á lascé döta la concorenza dô da d'ël y é te 35:46.7 roé sciöche pröm de söa categoria al travert. Nicolas Ploner é roé terzo te 36:54.5 y Alex Minnini é por püch nia roé sön podest (37:46.1). Te cösta categoria ciafunse ciamó Ivan Canins al setimo post.
Sis atlec é jüs al start tla categoria sot i 30 agn (1997-1986) y ince chiló é un ste bun da ruvé sön podest: Michael Moling é cun n tëmp de 28:42.0 terzo. Davagné á Alex Oberbacher de Gherdëna cun le miú tëmp dal dé (26:20.0) dan a Gabriele Depaul dai Bogn da Nia (28:18.3). David Frena ciafunse al cuinto post te 28:49.0, Mike Trebo 10. te 30:09.5, Alex Dagai 11. te 30:31.7, Martin Kostner 14. te 33:47.9 y Andreas Pescoll 20. te 35:27.0.
Tla categoria Master ciafunse 7 atlec de Badiasport. Richard Feichter 11. te 32:42.0, Roland Pitscheider 19. te 34:34.5, Daniele Irsara 28. te 35:55.9, Markus Willeit 32. te 36:42.0, Giuseppe Piccolruaz 40. te 39:01.0, Benno Canins 47. te 39:51.5 y Elmar Dapoz 56. te 44:42.0 sön 76 partecipanc te categoria.
Tal categoria di Ëi sora i 50 agn é Edmund De Vettori al otavo post te 35:32.0 y Luigi Tasser 34. te 45:18.7, sön 46.
Dô da trëi gares dla Raida Ladina é Heidi Dapunt y Nicolas Ploner al pröm post te söa categoria y deplü altec é al cuarto post. I ti aodun a düc döt le bun y trëpa fortüna por l'ultima gara dla Raida Ladina, che ai arjunji de bogn resultac pla gara finala.

Gara a scuadres Transcavallo

La sabeda ai 20 y la domënia ai 21 de forá é cater de nüsc atlec jüs a tó pert ala 33ejima ediziun dla „Transcavallo“, gara a scuadres da dui co vëgn fata te döes tapes. Les scuadres â da garejé trami i dis sön dui percursc desvalis, le pröm 18 km lunch y cun n deslivel de 1.760m, le secundo 20 km lunch y cun n deslivel de 2.520m. I tëmps dai dui dis gnô spo cumpedá adöm por la classifica finala dla „Transcavallo“.

Andreas Irsara

Marianne Moretti y la compagna de scuadra Monica Sartogo, é trami i dis roades al secundo post y á insciö podü ince s'acontenté cun le medemo post tla classifica generala cun n tëmp complessif de 6:30:18.
La sabeda é Lois Craffonara adöm al austriach Johannes Waldner roé al sesto post te 1:59:29 y la scuadra de Badiasport cun Jan Paul Adang y Andreas Irsara é roada 11. te 2:10:21. La domenia s'á trames les scuadres mioré de n plazamënt: Craffonara/Waldner é al cuinto post te 2:35:35 y Adang/Irsara al dejimo post te 2:46:56. Cumpedan adöm i resultac di dui dis á Craffonara/Waldner arjunt le cuinto post te 4:35:04 y Adang/Irasara le dejimo te 4:57:18 sön bëgn 40 scuadres co á tut pert.