Indô n fin dl'edema de gares por i atlec de Badiasport

Schi d'alpinism – Gara a scuadres „La Pitturina Ski Race“ y „Valle di Rezzalo Junior Copa Italia“ con partezipanc de Badiasport

En sabeda ai 13 de forá é bëgn 8 atlec ladins jüs a tó pert ala otava ediziun de „La Pitturina Ski Race“, gara de nët a scuadres de dui concorënc, conesciüda nia ma a livel nazional mo ince international. La gara é gnüda fata a Padola tal raiun dles Dolomites de Sest olache le comité d'organisaziun á arjigné ca le percus 20 km lunch cun n deslivel total de 2220 metri partí sö te trëi rodes desvalies.
La gara é gnüda davagnada dal grup ITA1 dal grup sportiv dai soldas cun Boscacci Michele y Reichegger Manfred cun n tëmp final de 1.57:37 dan dla scuadra Langfranchi/Pivk al secundo post cun n tëmp de 1.58:57 y Zulian/Trettl al terzo cun n tëmp de 2.07:20. Al sesto post final él roé le pröm atlet badiot: Lois Craffonara adöm al compagn de scuadra austriach Johannes Walder cun n tëmp 2.12:25. Al 22. post ciafunse la scuadra cun Mike Trebo y Alex Dagai cun n destach de 34 minuc y cinch secunc sön i pröms.
Nia a scüsa n'é la gara jüda por les scuadres Jan Paul Adang y David Frena y PIERANTONINI – MOLING cun l atlet Michael Moling co n'é trames nia roades al travert.

Le grup plü asvelt é ince pro les ëres sté la scuadra Tomatis/De Silvestro cun n tëmp final de 2.28:20. Marianna Moretti adöm ala compagna da Cortina Linda Menardi s'á classifiché al cuarto post (3.04:46) y Jenn Shelton adöm ala compagna Monica Sartogo al cuinto post (3.05:45).
I bogn plazamënc de düc i atlec ladins á porté por Badiasport le decim post tla classifica dai grups sportifs.

La domënia ai 14 de forá é Nicolas Ploner y Luigi Irsara jüs ala 16. ediziun dla „Valle di Rezzalo Junior Coppa Italia“. La gara individuala é gnüda davagnada da Daniele Corazza dal Sci Club Valtarno (49:50,02) dan a Sebastien Guichordaz al secundo (51:17,7) y Giovanni Rossi al terzo post (51:49,8). Dalunch dai pröms dla classifica ciafunse i jogn de Badiasport. Nicolas Ploner al 19. y Luigi Irsara al 29. post.

Bugn plazamënc pro gares desvalies de schi d'alpinism

Altec de Badiasport á tut pert a deplü gares de schi d'alpinism ala fin de jená.

Gitschberg 22/1/2016

Ai 22. de jená á cinch atlec tut pert ala nona ediziun dla „Gitschberg Nightattack“. Martin Kostner á arjunt cun le tëmp de 48:40.68 le 24. post tla categoria Ëi 1981-1995. Tla categoria Ëi 1967-1980 él jü al start bëgn 65 atlec, danter chisc ince cater de Badiasport. Davagné á Ivo Zulian dai Bogn da Nia cun n bun tëmp de 38:22, secundo é roé Filippo Beccari de Bela Ladinia (39:03) y terzo Henry Hofer de Alpin Speed Sarntal (39:20). Al setimo post ciafunse Lois Craffonara (40:00), 13. Alex Dagai (42:19), 49. Hermann Dapoz (49:56) y 60. Markus Willeit (54:32).

Li Skariza da Foca 24/1/2016

La domënia ai 24. de jená á tut pert David Frena ala gara „Li Skariza da Foca“ tla Valtellina. L'atlet ladin é ste bun da arjunje le travert do 8 chilometri te 1.03:35 y á insciö arjunt le bun cuinto post. So destach dal pröm classifiché Clanclini Nicoló é de empü plü de 4 menüc.

Plose Skiuphill 29/1/2016

L'ultimo fin dal edema de jená á Martin Kostner tut pert ala „Plose Skiuphill“, co alda pro les gares dl „Eisacktal Cup“. Cun n tëmp de 1.17:23 él salté fora en bun 22. post. Pro i ëi é Martin Stofner sté le plü asvelt, so tëmp de 54:54 n'é degügn stes bogn da bater. La miú ëra dla sëra é stada Katharina Zipser co é ruvada al travert do da 1.09:32.

Carezza Trophy 30/01/2016

La sabeda ai 30. de jená é 8 atlec jüs a tó pert ala 5. ediziun dla „Carezza Trophy“. La sora ëra dal grup, Lezuo Susi, á arjunt cun le tëmp de 42:15 le nono post te söa categoria sön en percurs plü cürt.
Trebo Mike n'á de püch nia arjunt n post sön podest y á messü s'acontenté dal cuarto post de süa categoria.
Tla categoria Ëi 1967-1991 él jü al start bëgn cinch atlec de Badiasport. Davagné á Ivo Zulian dai Bogn da Nia te 57:54 dan da Christof Niederwieser (58:12) y Mattia Giuliani (58:32). Le pröm atlet de Badiasport ciafunse ince te chësta categoria al cuarto post: Lois Craffonara cun n tëmp de 59:26. Tai pröms chinesc ciafunse ciamó trëi atlec de Badiasport, Michael Moling cuinto, Jan Paul Adang 8. y Alex Dagai 13. y al 59. post Markus Willeit.

Valtellina Orobie 30/1/2016

Tres la sabeda ai 30. de jená é Andreas Irsara y Marianne Moretti jüs a tó pert ala „Valtellina Orobie“. Marianna Moretti á arjunt cun n tëmp de 2.23:52 le buniscimo terzo post do da Laura Besseghini (1.55:33) y Anna Tybor (2.13:14).
Pro i ëi él jü al start bëgn 66 atlec. La gara é gnüda davagnada da Denis Trento cun n tëmp de 1.47:00 dan da Filippo Baccari (1.47:12) y Valentino Bacca (1.47:47). Andreas Irsara é roé al 19. post cun n tëmp de 2.06:05.

Atlec de Badiasport fej pert ala otava Skialprace

En bel grup á tut pert ala gara Skialprace cun campionac taliagn ete Speikboden

Schi d'alpinism – La domenia ai 10 de jená a tut pert bëgn 12 atlec de Badiasport ala otava ediziun dla gara Skialprace ete Türesc. La gara co alda pro les ISMF European Series valô tal medemo tëmp ince sciöche campinat talian tles categories senior y master. Implü gnô i resultac ince cumpedá por la Copa Italia y le Südtirol Cup.
Le zircuit por la gara é gnü arjigné ca encër le lift „Sonnklar“ tal raiun sciistich Speikboden. La particolarité de chësc percus é ste le toch a pe cun i schi sön le spiné che i organisadus s'á punsé da sbürlé ete dan le rait cuntra val. Aladô dla categoria messâ chësc zircuiut gní fat dui, trëi o cater iadi.

La gara é gnüda dominada dai altec dal grup sportiv dai soldas, sciöche ince belo les gares de vertical y sprint a Madonna de Campiglio de dezëmber. Le titul tla categoria senior maschila é insciö jü á Michele Boscacci, co ti é ste bun al percus lunch (indöt 14,4 chilometri) te en tëmp de 1:26.39, dan al compagn de scuadra Antonioli Robert (1:26.46) y Barazzuol Filippo (1:28.47). Te chësta categoria á garejé cinch de nüsc atlec. Craffonara Lois é roé al travert tredejejimo cun en tëmp de 1:42.11, Irsara Andreas ciafun al 27. post (1:50.05), Irsara Michael al 33. post (1:54.05) y Adang Jan Paul al 34. post (1:54.06). Sceché ti ara á Moling Michael co n'á nia ruvé la gara. Trebo Mike á ince podü porté a ciasa en bun tredejejimo post te süa categoria con en tëmp de 1:53:52 cun en intardiamënt de 22 minuc y 23 secunc sön le pröm Nicolini Federico.
Tla categoria master feminila á Moretti Marianna de Badiasport arjunt le terzo post do da Sartogo Monica y Renzler Astrid.
Pro les senior feminiles é Shelton Jenn ruvada undicesima cun en tëmp de 1:57.32.

Ince pro i juniores él sté en atlet badiot danter i partezipanc: Frena David á arjunt en bun sesto post (1:15.54). .Le intardiamënt al scalin plü bas dal podest ê de empü plü de dui minuc.
Pro i cadëc, co garejâ sön en percurs lunch 7,2 chilometri, á Ploner Nicolas arjunt le 18. post con en tëmp de 1:04.39, Irsara Luigi é ruvé 27. (1:08.52) y Canins Ivan 35. (1:22.10).

Por ci co reverda i resultac por le Südtirol Cup á nüsc atlec plü jogn fat na bela parüda. Pro i cadëc arjunj Badiasport le pröm post cun Ploner Nicolas, le secundo post cun Irsara Luigi y le cuarto post cun Canins Ivan. Pro i Juniores n'é Frena David nia da bate y se porta a ciasa le pröm post te söa categoria.

Galleria foto!

Badiasport ai campionac taliagn de sprint, stafeta y vertical de schi d'alpinism 13.12.2015

Schi d'alpinism – Dai 11 ai 13 de dezëmber él gnü metü a jí i campionac taliagn a Madonna di Campiglio. Cater de nüsc atlec á tut pert tles categories jogn y senior.

Trëi gares te trëi dis o dí en gran sforz por en atlet. Sce al é spo ciamó gares importantes sciöche i capionac taliagn, ciarun da se proé ciamó deplü. Dan da otedé êl por David Frena, Ivan Canins, Nicolas Ploner y Michael Moling de Badiasport sön program i capionac taliagn de sprint, stafeta y vertical de schi d'alpinism a Madonna di Campiglio.
Le fin dal edema de gares á metü man le vëndres sëra con le sprint, olache Ivan, Nicolas y David é jüs al start. Dô les cualificaziuns podea i mius sis ciamó en iade garejé y proé insciö da rosedé le resultat dles cualitficaziuns. Por i atlec de Badiasport s'é la gara roada do la cualificaziun. Pla categoria jogn é Nicolas roé al 24. post, Ivan al 30. y pla categoria junior é David roé 13.
La sabeda él gnü fat la stafeta con scuadres da trëi atlec. Nicolas Ploner y David Frena á arjunt adöm a Johanna Unterer dl ASV Martell le 14. post con en tëmp de 33:12.10.
Por slü jö i capionac taliagn él ste la domënia la gara vertical, gara plü aspetada dal fin dal edema. Düc i atlec co á tut pert á podü se ralegré con en bun resultat. Pla categoria senior á Michael Moling arjunt sön la distanza de 3,5 km y 600 metri de desfarënzia d'altëza en bun 22. post con en tëmp de 27:07.59. Pro la categoria junior é David Frena roé al 20. post con en tëmp de 22:45.23 sön na distanza de 3 km y 450 metri de deslivel. Pla categoria jogn á dui atlec arjunt de bugn plazamënc. Nicolas Ploner al 24. post (21:18.32) y Ivan Canis al 36. post (24:08.60) sön na pista 2 km lungia y con 320 metri de deslivel.

Nicolas Ploner, Ivan Canins, David Frena

Jenn Shelton porta a ciasa en bun secundo post 11.12.2015

Schi d'alpinism – Trei atlec de Badiasport á tut pert ala 17^ ediziun de „La Sportiva Monte Agnello Trophy“.

En vëndres ai 11 de dezëmber é Jenn Shelton, Jan Paul Adang y Andreas Irsara jüs a tó pert a „La Sportiva Monte Agnello Trophy“, pröma gara dal „Dolomiti sotto le stelle“.
A gauja dla pücia nëi naturala se temôn da nia podëi garejé, mo le comité d'organisaziun é ste bun da arjigné ca le percus con nëi artifiziala. Bëgn 180 atlec s'á abiné al start de massa. Pro i ëi é Thomas Trettel ste le plü asvelt con en tëmp de 31:26, dan Ivo Zulian (33:12) al secundo post y Christian Varesco (33:14) al terzo. Jan Paul Adang á arjunt en bun 13. post con en tëmp de 36:32 y Andreas Irsara porta á ciasa en 18. post con en tëmp de 36:59.
Pla classifica dles ëres ciafunse Jenn Shelton con en tëmp de 42:46 al secundo plazamënt atira do Margit Zulian (39:39). Al terzo post pla classifica feminila ciafunse Tatiana Kutlíková (43:13).

Skitouren Sprint 2015

In sabda ai 19 de dezamber sais düc bel invià al Skitouren Sprint.

An paia ia dal rifugio Tamà dales 19:00 jö cina ala staziun a valle del lift da la Crusc y spo indo sö cina al rifugio Tamà.
Se incuntun dales 18:00 inant pur se scrì ite y partì for a i numri.
Recurdesse da se to do la Stirnlompe.

De bogn resultac por Badiasport

Nodé - Ai 29. de novëmber á a Urtijëi indô motü man les gares VSS da nodé por les mit-ans de Badiasport.

Na bela scuadra de mitans é jüdes adöm ala alenadëssa ia Urtijëi á to pert ala pröma gara VSS por mitans y mituns dla scora elementara, co n'é nia ciamó scric ete tla Federaziun Nazionala Nodé (FIN). Por cater ea chësta la pröma ocajiun da se mosoré cun d'atres mit-ans y ince porchël é stada la ligrëza de düc dër grana, da avëi porté a ciasa bëgn set me-daies. Les mitans co â belo fat empara l'ann passé é dötes stades bones da mioré dassën le tomp dal ann denant.

Dles gares de stil lëde cun brëia á les plü jones dal grup, Angelika Frenademez y Sofie Irsara, arjunt en bun cuarto y cuinto post; Denise Feichter é roada sesta pla classe 2007; Hanna Irsara y Rita Granruaz é stades les plü asveltes de söa categoria y á arjunt i dui scalins plü alc dal podest. Ince Kathrin Feichter tla categoria plö alta classe 2005 à da-vagnè. Karoline Frenademez é roada cuarta pla gara de 25 metri arosch y á cun en tomp de 28,20 secunc ma enjömé le terzo scalin dal podest por dui secunc.

Karolin, Kathrin, Sofie, Angelika, Denise, Hanna, Rita

Resultac
25m stil lëde cun brëia (classa 2009)
4. Angelika Frenademez 00:39,80 sec.
5. Sofie Irsara 00:42,00 sec.

25m arosch (classa 2005)
4. Karoline Frenademez 00:28,20 sec.

25m stil lëde (classa 2007)
6. Denise Feichter 00:25,80 sec.

25m stil lëde (classa 2006)
1. Hanna Irsara 00:20,00 sec.
2. Rita Granruaz 00:21,20 sec.

25m stil lëde (classa 2005)
1. Kathrin Feichter 00:20,30 sec.

Pizza y lites

In jöbia ai 3 de dezamber dales 18:30 ele la “pizza” sociale de Badiasport pur düc i mambri ala Pizzeria San Leonardo a Badia. Pur casta sara masun menè na mail de conferma.

In casta ocajiun saral ince les lites nöies pur mat sö l consai nü de Badiasport y purcal ves preiessi de se scrì 4 propostes de persones che pudarà spo spo gni litades in jöbia. Praibel de scrí zruch entro l mertesc ai 01 de dezamber.

Tessera FISI 2015-2016

Pur düc i mëmbri:
ince casc ann pon apustè da Badiasport la tessera FISI (http://fisi.org/federazione/tesseramento/tesseramento-info).

Düc chi ché interescià dos scrí na mail pur che an poi la arjigné ca.

I „superheroes“ de Amsterdam

Salté - En domënia ai 18 de otober á 14 atlec de Badiasport tut pert ala 40. ediziun dla maratona de Amsterdam. La distanza classica de 42,195 km é gnüda dominada dal Kenia: Bernard Kipyego (2:06:19) y Joyce Chepkirui (2:24:11) é stá i plü asvelc.

Bele da deplü mëisc incá, s'á i atlec de Badiasport alené por tó pert a chësta maratona de Amsterdam. Sis atlec ladins s'á mosoré sön la distanza classica, cinch á salté la mesa maratona y trëi i 8 km. Sc'an ciara a chël che ê le tema dla maratona, le „superhero“, pó düc i atlec se sintí n pü supereroi da ester stá bugn da porté a fin na gara tan impegnativa. Les particolarités dla maratona da Amsterdam é stades le start y le travert dla gara tl stadio olimpich, mo ince la gran pasciun y partezipaziun che döta la popolaziun á desmostré por chësta manifestaziun. Tröpa jënt sön i urs dles strades ne s'á nia lascé sprigoré dal bur tëmp y á insciö porté pro a na bela atmosfera. Tröp é ince sté l'intratignimënt musical y d'atra sort fora por döt le percurs, che á dassënn daidé renforzé la motivaziun personala y á dé la sbürla por ester bugn da rové al travert.

I resultac:

Ëi:
Stefan Thaler (maratona: 2:51:30)
Daniele Irsara (maratona: 3:04:04)
Christian Pedevilla (maratona: 3:09:33)
Werner Pescosta (maratona: 3:53:41)
Andreas Irsara (1/2 maratona: 1:30:17)
Daniele Pizzinini (1/2 maratona: 2:09:41)
Nicolas Ploner (8 km: 36:31)

Ëres:
Verena Ebner (maratona: 3:21:08)
Claudia Canins (maratona: 3:28:45)
Sofia Irsara (1/2 maratona: 1:50:19)
Katharina Castlunger (1/2 maratona: 2:28:23)
Wally Castlunger (1/2 maratona: 2:28:39)
Melanie Ploner (8 km: 36:32)
Susi Lezuo (8 km: 43:28)

Start y travert stadio olimpich Amsterdam

Nudé 2015-2016

Nudè pur prinzipianć
Badiasport organisëia indô n curs da nudè pur prinzipianć pur i mituns dala 1. ala 4. tlassa elementara. Le curs vëgn tignì vigni mercui domisdè (gruppo gragn 14.45-15.45, gruppo pici 15.45-16.45) tla nodadoia da La Ila por la perioda otober ćina mà. Al é dè la poscibilité pur i plö bogn da passè tl grup de alenamënt dô n pü de tëmp.

Nudè y atletica pur mituns
Badiasport mët indô a jì cun otober alenamënć da nodè y atletica por mituns dala 3. tlassa elementara ćina ala 3. mesana. Al vëgn insigné i stii lëde y spiné, sciöche inće la basa di stii arosch y delfin. Le training de altetica lisiera alza fora les capazitês de coordinaziun y de condiziun, al vëgn inće insigné les formes de basa dles singoles disciplines de atletica lisiera. Nodè vëgn tignì vigni lönesc tla nodadoia (gruppo pici 14.30-15.30 gruppo gragn 15.30-16.30) da La Ila, l’atletica lisiera vigni jöbia (gruppo gragn 16.15-17.15, gruppo pici 17.15-18.15) tla palestra dla scora mesana da La Ila por la perioda otober ćina mà.

Nudè pur gragn
Cun otober mëtel indô man “Nudè adüm” – nudè pur gragn". Al vëgn insigné i 4 stii lëde, spiné, arosch y delfin, y mioré la coordinaziun y la condiziun. Le curs vëgn tignì tla nodadoia da La Ila vigni mertesc dales 19.30 ales 20.30 (prüm grup) y dales 20.30 ales 21.30 (secundo grup) por la perioda otober ćina mà. Al ne se trata nia de en curs pur prinzipianć, purchël vëgnel damanè les capazitês de base dl nudè.

Pur düc i gruppi (mitans/mituns y gragn) vele: pur chi che à bele tut pert l’ann pasè an curs mas cunfermè la partezipaziun pur l proscimo ann antro i 16 de setëmber, sce al ne vagn nia cunfermè entro casta data gnarà dè inant l post ai nüs iscritti
Por informaziuns y iscriziuns pon menè na E-mail a posta@badiasport.org ćina i 20 de setëmber.

Camp Multisport 24-28/8/2015

In collaborazione con le associazioni sportive: SC Ladinia, Dolomiti Biking, Tennis Club Alta Badia, U.S. Alta Badia, Volley Club replichiamo il campo multisport per i bambini delle scuole elementari e 1. media.
Programma: dal lunedì 24 agosto al venerdì 28 agosto tutti i giorni la mattina dalle ore 9:30 alle ore 12:30 presso il campo sportivo di La Villa e piscina/palestra di La Villa. (il programma definitivo verrà consegnato prima dell'inizio del campo).
Descrizione: Le associazioni indicate proporranno sessioni di atletica, nuoto, bici, tennis, calcio, palestra, beach volley e sport di squadra e di azione.
Numero minimo di partecipanti per effettuare il campo: 20 bambini
Costi ed iscrizioni: Euro 55 da versare entro il 19 agosto su uno dei seguenti conti
Cassa Raiffeisen Val Badia IBAN: IT41R0801058340000300012106
Cassa di Risparmio IBAN: IT30U0604558340000000049700
Banca PopolareIBAN: IT19Q0585658180019571049505
Informazioni ed iscrizioni:
Stefan 335-7875460; presidente@sciclubladinia.it
Sepl 339 8159419

Salté adüm

Vigni mercui, can che l tamp daida, jun a saltè. Pur che ch ó gni para, piun ia dales 18.30 dala plaza dl Badiapub.
Al vagn saltè + o – en ora, do l ega ite y ince sö te campo de atletica. Programma vario cun cambi de ritmo, tecnica y velocité.
Düc è bel invià da gni para.

Amsterdam Marathon - iscrizione

Maratona Amsterdam 18 ottobre 2015

Quest’autunno un gruppo di Badiasport parteciperà alla 40° Maratona di Amsterdam

Programma provvisorio (dettagli e orari ancora da definire)
Viaggio a Amsterdam: venerdì 16 ottobre
Gara: domenica 18 ottobre
Ritorno: lunedì 19 ottobre
Percorsi
Maratona 42,195km
Mezza Maratona 21,0975km
Gara 8km
Kids Run
Le iscrizioni verranno fatte entro il 10/06/2015. La quota di iscrizione per la maratona è di 70 Euro.

Per info posta@badiasport.org

Se sei interessato a partecipare manda una email!!!

Wenn du laufen willst, lauf eine Meile. Wenn du eine andere Welt kennenlernen willst, lauf einen Marathon.“ (Emil Zatopek – Olympiasieger Marathon Helsinki 1952)

Innsbrucker Stadtlauf 17.05.2015

Na bela domënia de sport por i atlec badioc
14 partezipanc jogn de Badiasport al „Innsbrucker Stadtlauf“

En domënia ai 17 de ma él sté la 31ejima ediziun dl „Innsbrucker Stadtlauf“. Al start tla Maria-Theresien-Straße s’ál presenté na bela gran scuadra de 14 atlec badioc. A d’ëi ti aspetâl 1400 m da salté fora por le zënter storich. Ai ê partis sö te deplü categories: la categoria di U-10, chëra di U-12, chëra di U-14, chëra di U-16, y la categoria di U-18.

Adang Emilie y Irsara Hanna á arjunt n bun plazamënt tla pröma categoria di U-10/mitans cun n tëmp de 7:49 y de 7:50, rovan al 33ejimo y al 34ejimo post te categoria. La plü asvelta de chësta categoria é stada Miriam Langhofer cun n tëmp de 5:22.
Tla categoria U-12/mituns á l’atlet Tasser Samuel stlüt jö la gara cun n tëmp de 7:48 (62. post te süa categoria).
Tla categoria di U-14/mitans á Castlunger Anna stlüt jö al 22. post te süa categoria cun n tëmp de 6:06. Tla medema categoria U-14 /mituns á Pizzinini David arjunt le travert cun n bun tëmp de 5:32 (21. post de categoria U-14/mituns).
Tla categoria U-16/jogn á l’atlet de Badiasport Ploner Nicolas arjunt le buniscimo 3. post de categoria cun n tëmp de 5:09. Le miú de categoria é sté Bora Adam cun le tëmp de 5:03. Tla medema categoria á ince i atri atlec badioc arjunt de bugn plazamënc. Irsara Vitor á stlüt jö cun le tëmp de 5:19 (8. post de categoria), Crazzolara Damiano á arjunt le travert cun n tëmp de 5:21 (10. post de categoria), y atira dedô él rové adalerch Canins Ivan cun le tëmp de 5:22 (11. Post de categoria). Debon Robert á stlüt jö al 23. post de categoria cun n tëmp de 5:51. Le proscimo jogn de Badiasport a rové al travert é spo sté Ganibegovic Rocco cun le tëmp de 6:45 (31. post de categoria).
Tla categoria di jogn U-18 él gnü arjunt le podest da Castlunger Matthias che á stlüt jö cun n buniscimo 2. post de categoria cun le tëmp de 4:52. Le plü asvelt de chësta categoria é sté Naschberger Julian cun le tëmp de 4:45.
Ciamó n podest á arjunt le grup de Badiasport cun l’atleta Ploner Melanie che é rovada 2. tla categoria U-18/jones cun le tëmp de 5:24. N bun plazamënt á ince arjunt Clara Valentina rovan al travert cun n tëmp de 6:05 (6. post de categoria). La plü asvelta te chësta categoria é stada Zenz Julia cun le tëmp de 5:16.

Gara di corsa Innsbruck

Il giorno domenica, 17 maggio parteciperemo alla gara di corsa “Innsbrucker Stadtlauf” nel centro di Innsbruck.

Programma:
Ritrovo Comune di Badia: ore 10.30
Inizio gara: ore 14.00
Gare:
anno 2008 e più giovani: corsa con genitori (500m)
U10-U12-U14-U16-U18: 1.400m
Ritorno: partenza da Innsbruck ca. alle 17.00

Dopo la gara ci fermeremo al Mc Donald’s per mangiare!
Ci sarà un bus che ci porterà a Innsbruck. Anche i genitori possono venire con il bus (fino esaurimento posti) per fare il tifo. (5,00€ per spese viaggio genitori)
da portare: scarpe da ginnastica, pantaloncini, maglietta, soldi per il Mc Donald’s

Gares daimprò y dalunc por Badiasport 23.03.2015

Memorial Othmar Costabiei y Luca Valentin 14.03.2015

En sabeda ai 14 de merz da sëra él stè la gara en memoria de Othmar Costabiei y Luca Valentin. Pro la gara de schi é Irsara Michael stè le plü asvelt de düć te 0:16:03, dan da Kostner Martin (0:16:21) y Pitscheider Paolo (0:18:47). Pro les ëres é Comploi Flurina stada la plü asvelta te 0:21:11, dan da Lezuo Susi 0:23:24 y Steinmayr Iris te 0:23:44. Tröc d'atri é stà i atleć de Badiasport danter i 127 partezipanć ala gara de schi che à tut pert por recordè Othmar y Luca.

Martin Kostner, Michael Irsara, Paolo Pitscheider

4. Trofê Kreuzspitze: Memorial Walter Nones 15.03.2015

En domënia i 15 de merz él stè la 4. ediziun dl trofê Kreuzspitze tla Val Cadino/Val di Fiemme. Danter i 74 partezipanć êl inće 5 atleć de Badiasport: Craffonara Lois, Irsara Andreas, Trebo Mike, Dagai Alex y Irsara Michael che à tut pert. Le percurs ê de 25 km cun 1865 m de deslivel. I plü asvelć de düć é stà Reichegger Manfred y Holzknecht Lorenzo cun 1:56:13 y Trettel Thomas cun 1:59:15.

Craffonara Lois é stè le plü asvelt de Badiasport y danter i plü asvelć en general, rovan danter i pröms 12 te 2:09:09. Irsara Andreas é rové al 17ejimo post tla tlassifica generala te 2:16:15, Trebo Mike al 29ejimo te 2:25:52, Dagai Alex al 33ejimo te 2:28:30 y Irsara Michael al 34ejimo te 2:28:34.

Podest por Melanie Ploner y n buniscimo resultat por David Frena ala Pierra Menta 2015

Danter i 11 y i 14 de merz él stè la 30ejima ediziun dla Pierra Menta, gara de schialpinism tla Savoia. Ara se trata de öna dles 3 gares de schialpinism tles Alpes plü granes y conesciüdes. Al é na gara a dui, te 4 tapes, a chëra che i majeri atleć da döta Europa tol pert. Por i jogn él ma döes proes, a chëres che inće i badioć David Frena y Melanie Ploner à tut pert.

Melanie Ploner s'à concuisté deboriada cun Felicetti Giorgia le secundo post sön 8 scuadres tl tëmp de 3:55:33, do dales franzejes Meyenet/Pollet-Villard (3:45:20) y dan da Drion/Buchs (3:57:22).

David Frena à arjunt n buniscimo 10. post sön 40 scuadres deboriada cun Loss Enrico tl tëmp de 3:44:19. I pröms te süa categoria é stà i frazesc Equi/Juillaguet te 3:23:18 y i svizeri Steiner/Bonnet te 3:26:31 y Gasser/Corthay te 3:27:29.

3. Skialp Dimon 08.03.2015

Irsara Michael é stè en domënia ai 8 de merz a Udine, tla Val d’Incjaroi, ala Skialp Dimon. Al é rové 11. te 2:06:19, sön n percurs de 15 km y 850 m de deslivel che condejô söla munt de Zermula. Pröm é stè Niederwieser Christof te 1:39:53.

25. Lagorai Cima d’Asta 08.03.2015

Ivan Canins, Mike Trebo, Nicolas Ploner, Luigi Irsara

En domënia ai 8 de merz él stè tla provinzia de Trënt, la gara spetacolara dla Lagorai Cima d’Asta, gara de Coppa Italia, olache 6 atleć de Badiasport à tut pert amesa i indöt 400 partezipanć dala Talia y da foradecà.
Pro i cadetti é Ploner Nicolas rové 24. te 1:33:07, Irsara Luigi 25. te 1:33:56 y Canins Ivan 28. te 1:52:06. Le plü asvelt é stè Prandi Andrea te 1:04:41.
Pro les cadette é Ploner Melanie rovada al secundo post te 1:23:39, do da Murada Giulia cun le tëmp de1:20:20.

Pro i junior é Frena David rové 3. te 1:15:20 y Trebo Mike 14. te 1:19:58. Le plü asvelt é stè Magnini Davide te 1:07:05.

Pro i gragn é Adang Jan Paul rové 20. te 2:20:10 y Irsara René 67. te 2:48:38. Le plü asvelt é stè Holzknecht Lorenzo te 1:51:56, dan da Reichegger Manfred te 1:53:08 y Kuhar Nejc te 1:56:45.

Heidi Dapunt davagna la Raida Ladina 06.03.2015

Raida Ladina: Lors de Reba

En jöbia sëra, ai 6 de merz él stè la finala dla Raida Ladina a Reba , pro la 12ejima ediziun dla Lors de Reba. Pro i 200 partezipanć êl bëgn 16 atleć de Badiasport. Al ê 2 tlassifiches: chëra che valô por la Raida Ladina y chëra dla gara singola.
Lois Craffonara é stè le plü asvelt di badioć cun le tëmp de 0:28:35, secundo do da Oberbacher Alex che à fat le miù tëmp de düć te 0:28:02. Tla tlassifica che valô por la Raida é Adang Jan Paul rové 6. te 0:29:39, Trebo Mike 8. te 0:30:49, Irsara Michael 9. te 0:31:05, Feichter Richard 14. te 0:32:23, Pescoll Andreas 21. te 0:34:20, Dapunt Heidi 1. dles ëres y 25ejima tla tlassifica assoluta te 0:35:49, Piccolruaz Giuseppe 38. te 0:38:53 y Lezuo Susi 64. 0:47:50 y 9. dles ëres, sön indöt 74.

Tla tlassifica che ne valô nia por la Raida é Beccari Filippo stè le plü asvelt te 0:28:06, Irsara Andreas 5. te 0:30:29, Pitscheider Roland 14. te 0:33:25, Ploner Nicolas 43. te 0:38:14, Tavella David 44. te 0:38:27, Irsara Luigi 49. te 0:39:08, Canins Benno 53. te 0:40:10, Canins Ivan 59. te 0:41:09, sön 113.

Classifica Lors de Reba Raida Ladina
Classifica Lors de Reba NO Raida Ladina

Classifica Generale RAIDA LADINA