La sajun a metü man por les atletes y atlec de Badiasport. Deplü atletes y atlec á tut pert ala prüma tapa de Coppa Italia Jonila de schialpinism.
En sabeda ai 16 y en dumania ai 17 de dezëmber el atletes y atlec che á garejé cun les pels a Primiero tla provinzia de Trënt te döes gares de Coppa Italia. La sabeda él gnü desfiré na gara plü asvelta, »sprint«, sciöche al ti vëgn ince dit, a eliminaziun. I atlec a arjunt de bugn resultac: tla categoria U18 feminila é Annalisa Pitscheider rovada 5. y Elisa Aricó 10. Tla categoria U18 maschila é Manuel Nagler ruvé 15. y Ivan Anvidalfarei 17.
Le dedô el ste la gara de „mixed relay“, che é na stafetta olache an garejaia de dui. Ince dailo á Badiasport arjunt de bogn plazamënc. Annalisa Pitscheider che a tut pert ala stafetta cun Manuel Nagler a arjunt le 5. post y Elisa Aricó cun Ivan Anvidalfarei a arjunt le 11. post.
Annalisa, Elisa, Manuel, Ivan
L‘ edema dô en sabeda ai 23 de dezëmber el ste i Campionac Taliagn de „vertical“, na gara olache an va ma sö pert cun les pels. Ince a chësta gara, che e stada a Klausberg, el ste deplü atletes y atlec de Badiasport che a tut pert. Te chësta gara á indo Annalisa Pitscheider (U18F) arjunt n buniscimo 5. post y é ruvada dër dlungia pur se qualifiché ai Campionac Europei tla Francia. Ince les atres atletes y atlec a arjunt de bogn plazamënc: Elisa Aricó (U18F) 10. post, Emanuel Pescollderungg (U18M) 16. post, Manuel Nagler (U18M) 24. post, y Jan Daniel Trebo (U18M) 30. post
Annalisa