Tratan l'ultima fin dl'edema é deplü atlec de Badiasport jüs a Vermiglio por la pröma gara dla sajun
Chësta fin dl'edema á indô metü man les gares de schialpinism. A Vermiglio, sön le ju dl Tonale él gnü organisé na gara che fej pert dl circuit »Coppa Italia Giovani«. La gara é stada condizionada da n gran vënt y frëit, condiziuns döres che n'á indere nia archité i atlec de Badiasport: Mara Sottara á garejé tla categoria U18F rovan al 5. post; Annalisa Pitscheider é rovada 4., Hanna Irsara 5. y Elisa Aricó 9. tla categoria U16F. Tla categoria U16 á garejé Manuel Nagler che é rové 7., Pescollderungg Emanuel, rové 11., Tobias Tassser che é rové 15., Tommy Irsara, che s'á plazé 17. y Jan Daniel Trebo. Maximilian Nagler á garejé tla categoria U18, rovan al 32. post y Mattia Cefola á tut pert ala gara tla categoria U20.