La sabeda ai 14 d'agost él sté la gara da salté de nöt a Toblach. Deplü é i atlec de Badiasport che á fat para

La gara da salté de nöt da Toblach é gnüda metüda sö dl 1976. Ara se trata de na competiziun che se desfira sön 10 km y che pëia ia dal Grand Hotel. La sabeda ai 14 d'agost él sté la 44ejima ediziun de chësta gara, che é gnüda davagnada, pro les ëres, da Sofia Demetz da Sureghes. Pro i ëi á davagné Lukas Messner da Puster. Ince deplü atlec de Badiasport, che garejëia por l LC da Balsan, á tut pert. Manuel Nagler y Maximilian Nagler é rová cun n tëmp de 44:09 y 44:46 secundo y terzo tla categoria maschila (ASM) y 37ejim y 38ejim tla classifica generala di ëi. Nicolas Ploner é rové al 7. post tla categoria M20 cun n tëmp de 46:15 y 46ejim tla classifica generala.
Pro les ëres é Hanna Irsara rovada secunda te süa categoria (ASF), cun n tëmp de 50:21 y 12ejima tla classifica generala. Elisa Aricó che á garejé sön le percurs de 2,4 km dl »Kids Run« é rovada terza te süa categoria (aliefs feminil) y 17ejima tla classifica generala dles mitans.

Maximilian, Nicolas, Manuel, Elisa, Hanna - Badiasport