Craffonara y Moling cun i profescionisc dancá
Sön le percurs de gara de 16,5 km cun n deslivel total de 1690 m é Robert Antonioli deventé campiun talian, stlujon jö la gara tl tëmp de 1:40.34. Sön le podest cun ël él rové i atri dui atlec dla scuadra nazionala Michele Boscacci (1:40.45) y Nadir Maguet (1:41.14). Craffonara Lois é rové al travert sciöche 10. te 1:51.27,1 deboriada cun Moling Michael sciöche 11. te 1:51.27,5. Adang Jan Paul é rové al 29. post te 2:08.03.
Lois Craffonara
Pro i Under 23 é Trebo Mike sté le 4. plü asvelt te 2:14.13. Irsara Andreas é sté le 10. plü asvelt pro i Master cun le tëmp de 2:17.37.
Pro i Junior, cun n percurs de gara de 13,5 km de lunghëza y 1420 m de deslivel total, é Ploner Nicolas sté le 2. plü asvelt te 2:06.21.
Resultac